The Varsitarian

ISANG mahalagang salik sa pag-unlad ng bansa ay ang pag-aaral ng sariling wika. Ito rin ay mahalaga para sa isang Unibersidad upang mapanatili ang pagpapayabong ng wikang Filipino sa loob ng mga akademikong institusyon. Ngunit paano kung kakaunti na lamang ang kumukuha at mismong nagbibigay ng kursong ito?

“Hindi kasi earning major ang Filipino, hindi katulad ng ibang major – sabihin [na] nating Science, Math, at English,” ani Beatriz Ribleza, guro ng Filipino sa College of Education.

Ito ang isa sa mga nakikitang dahilan ni Ribleza kung bakit unti-unting nawawala ang mga may interes na mag-major sa Filipino (BSE Filipino)—ang kawalan ng sapat na bilang ng mga mag-aaral sa isang kurso ang nagiging sanhi ng pagkatanggal nito. read more »

TATLONG taon at dalawang nobela—isang patunay na buhay na buhay ang panitikang Filipino.

Ito ang naging mukha ng lunsad-aklat ng dalawa sa mga pinakabantog na pangalan sa lokal na panitikang sina Ricardo “Ricky” Lee at Eros Atalia noong Nob. 27 at 28 sa SM North Edsa Sky Dome at Thomas Aquinas Research Complex (TARC).  read more »

“Mahahanap din kita,” bulong ng ginoo sa sarili habang pahingal na naglalakad at pinupunasan ang tumatagaktak na pawis sa kaniyang noo’t leeg.

Alas dos na ng hapon ngunit hindi pa rin nanananghalian si Mr. Trance at sa halip ay naglalakad siya paikot-ikot sa parke sa ilalim ng nakatirik na araw. Palingon-lingon sa paligid, yumuyuko’t inuusisa ang ilalim ng bawat upuang madaanan, at hinahawi ang makakapal na dahon ng mga halaman.

“Nasaan na kaya si Claire? Kailangan na kita para matapos ko na 'yung dulang ilalahok ko sa Paligsahang Bayan ng mga Makata. Kailangang mailahok ko ang aking, este, ating obra. Nasaan ka na ba?” paulit-ulit na hinagpis ni Mr. Trance sa kaniyang isip habang patuloy na naglalakad. read more »

ISANG natatanging pagkilala ang iginawad hindi lamang para sa isang organisasyon, kundi pati sa mga Tomasinong tagapagtaguyod ito.

Kinilala ang Linangan ng Imahen, Retorika at Anyo (Lira) bilang isa sa Ten Accomplished Youth Organizations (Tayo) noong Oktubre 27 sa Heroes Hall ng Malacañang. Ang Lira ay ang pinakamatandang grupo ng mga makatang Filipino at ang kauna-unahang organisasyong pampanitikang napabilang sa naturang patimpalak.  read more »

NAKALUHOD, lumalakad, pipila, hahalik. Taimtim na nagdarasal ang daan-daang deboto ng Mahal na Nazareno noong Biyernes na iyon habang sa ‘di kalayuan ay taimtim din ang pagtatawag ng mahuhulaan si Poldo.

“Mga ate, mga kuya, 50 piso lang ang pahula! Nais niyo bang malaman kung sino ang inyong makatutuluyan?” sigaw ni Poldo sa mga dumaraang tao.

Palarong nilalatag ni Poldo ang kaniyang mga baraha sa isang sulok nang may dumating na isang babae sa kaniyang harapan.

“Hi. Gusto ko sanang malaman kung paano ako mamamatay,” aniya.

Naupo ang babae’t sinimulan na ni Poldo ang kaniyang meditasyon.

“Ano ang iyong pangalan?”

“Annie,” sagot nito.  read more »

KUNG noon ay sa mga pahina lamang ng mga kuwaderno at aklat makababasa ng mga tula, ngayon ay higit nang naging moderno ang tulaan sa pamamagitan ng birtwal na mundo ng Facebook.

Ito ang pinatunayan ng Linangan sa Imahen, Retorika, at Anyo (Lira) sa “Tulaan sa Facebook 2011: Rizalstrasse,” isang pampanitikang patimpalak.

Inspirasyon ng Tulaan sa Facebook ang mga naunang pampanitikang patimpalak na gumagamit ng teknolohiya ng cellphones, tulad ng “Dalitext,” “Textanaga” at “Dionatext” na kapwa pinamunuan ng National Commission for Culture and the Arts noong 2003 at 2004 upang muling maipakilala ang iba’t ibang mga tradisyunal na anyo ng pagtutula gaya ng “dalit,” “tanaga” at “diona.” read more »

TAPAT sa kaniyang adhikain na payabungin ang pantikan sa Unibersidad, ang Gawad Ustetika ay patuloy na pinagyayaman ang panitikang Tomasino sa ika-27 taon nito.

Muli nitong pararangalan ang mga mag-aaral na may angking galing at talento sa pagsusulat ng panitikan sa ika-3 ng DIsyembre sa Plaza Mayor.

Igagawad ngayong taon ang Parangal Hagbong kina Florentino Hornedo, isang premyadong manunulat at guro mula sa Batanes, at kay Federico Licsi Espino, isang makata sa wikang Tagalog. Ang Parangal Hagbong ay ibinibigay bilang pagkilala sa mga Tomasinong may natatanging ambag sa sining at panitikang Filipino. read more »

KASABAY ng ika-400 taong pagdiriwang ng Unibersidad ay isasagawa ng Pax Romana, ang isa sa mga pinakamatandang religious organization ng UST, ang isang alumni homecoming na pinamagatang “A Pax to Remember.”

Nakatakdang magsama-sama ang mga kasalukuyan at nakaraang kasapi ng Pax Romana sa ika- 2 ng Disyembre sa ganap na ika-6 ng gabi, sa Plaza Mayor.

Ilan sa tampok na gawain ng pagtitipon ay ang pagdiriwang ng banal na Eukaristiya, pagbabalik-tanaw sa mga napagdaanan ng organisasyon mula nang ito ay maitatag, pag-uulat ng mga kasalukuyang pinuno sa mga aktibidad na naisagawa, at pagtatanghal ng mga kasalukuyang kasapi. read more »

WALANG nakikitang hangganan ang pagpapaunlad ng wika sa bansa.

Ito ang ipinabatid ng Ambagan: Kumperensiya sa Paglikom ng Salita Mula sa iba’t ibang Wika sa Filipinas na ginanap mula Setyembre 14 hanggang 16 sa College of Arts and Letters sa Unibersidad ng Pilipinas, Diliman.

Ang Ambagan ay isinasagawa tuwing dalawang taon. Pinagyayaman ng kumperensiya ang iba’t ibang mga wika sa Filipino sa pamamagitan ng pagsangguni sa balarila’t leksikon ng mga wika sa bansa.

Sa taong ito, itinatampok sa Ambagan ang mga wikang Ilokano, Kapampangan, Bikol, Tagalog-Batangas, Kankana-ey, Higaonon, Mansaka, Hiligaynon, Aklanon, Tagalog-Laguna, at Kinaray-a. read more »

PARA sa mga isinilang at lumaki sa Mindanao, ang parteng ito ng bansa ay maituturing na mayaman sa kultura at likas-yaman, taliwas sa gulo at ingay na madalas ikinakabit sa pangalan nito.

Ito ang pinatunayan ni Arthur Casanova, may-akda ng Kidney for Sale at Dalawa pang Dulang Ganap ang Haba (UST Publishing House, 2010), at isang direktor ng dula at pelikula na tubong San Jose, Antique.

Para sa kaniya, mayaman ang kulturang timog at pinatunayan niya ito sa pamamagitan ng pagsulat ng mga dulang nagtatanghal ng karaniwang buhay ng mga katutubo sa Mindanao na malimit makita ng nakararami. read more »